شايف الصوره العجيبه دي ؟؟!

!Mido Ronaldo

متابعة

10 يناير · 

http://www.alzakera.eu/music/vetenskap/kosmos/bilder/0012-2.gif

- اها مالها ‏‎confused_rev‎‏ رمز تعبيري
اهي دي يا سيدي اللي خلت اسم ( ألبرت أينشتاين ) يسمع في العالم كلــــه ‏‎grin‎‏ رمز تعبيري
متنحش الموضوع بسيط و الله هفهمك بس انت كمل البوست للاخر بوست صغير علي فكره ‏‎grin‎‏ رمز تعبيري
لحد اواخر التمانينات من القرن 19 ، العالم كله و علماء الفيزيا كلهم كانوا مقتنعين بقوانين الراجل الطيب اللي وقعت عليه التفاحه ( اسحاق نيوتن ) .. و كان تصورهم عن الجاذبيه في الفضاء ان الاجسام اللي كتلتها كبيـــره بتجذب الاجسام اللي كتلتها صغيره فتخليها تدور حواليها ، يعني احنا و عطارد و الزُهره و المريخ و باقي اخواتنا بندور حول الشمس عشان كتلتها كبيره اوي بالنسبه لنا فـ بتجذبنها ناحيتها و تجبرنا ندور حواليها فتحي يا ورده و قفلي يا ورده ‏‎grin‎‏ رمز تعبيري لان ده كان تصور نيوتن عن الجاذبيه في الفضاء اللي وصفه بقوانينه.

لحد ما في سنه 1915 في يوم من ذوات الايام ، جه شاب كده كان عنده ساعتها 35 سنه لسه فرحان بشبابه ‏‎grin‎‏ رمز تعبيري
قال : سامو عليكووووو ، بصوا بقي اللي فات ده حماده و اللي جاي ده حماده تاني خاااالص ‏‎grin‎‏ رمز تعبيري و راح رازع ع الترابيزه تاني ورقه بحثيه ليه بعنوان
‫#‏النسبية_العامة‬ .. ( اول ورقه كانت النسبيه الخاصه ) طبعا الورقه دي مهدمتش كلام نيوتن عن الجاذبيه ،
كل الموضوع ان نيوتن كلامه صح جداا و قوانينه صح جداا اما تتكلم عن الكتل المعقوله بتاعه كوكبنا قلم عربيه طياره سفينه صاروخ ... الخ
انما تيجي عند كتله الكواكب و النجوم و استووووب ، ركز بقي معايا في الكلمتين الجايين .
قالك الفضاء الخارجي ده يا برنس مش فراغ يعني مش ( لا شئ ) زي ما كنتو متخيلين ، لا ده شئ و له خواص كمان .. طب ايه هو الشئ ده
هو شبكه ، شبكه مكونه من حاجتين ( الزمان و المكان )
و الاتنين اندمجوا مع بعض و عملوا نسيج متشابك كده زي اللي ف الصوره دي هنسميه ( الزمكــــــــان ) مش لازم تتخيله اعرف بس المعلومه ‏‎grin‎‏ رمز تعبيري
قالك الزمكان ده يا سيدي عامل زي كورسي الانتريه اما بتعد عليه بيهبط لتحت علي حسب كتلك
يعني الاجسام اللي كتلتها ضخمه بتعمل تشوه في نسيج الزمكان و تخليه ينحني لتحت زي الصوره كده .. فتيجي الاجسام الصغيره اللي اقل منها في الكتله اما تقرب من الانحاء ده تبدا تدور تلقائيا في مسار داخل الانحاء ده ، لو مش متخيل ازاي بتدور بص هنا >> http://goo.gl/RPVffR
ف الموضوع مش جاذبيه ، لكن اللي اجبر الجسم الصغير علي الدوران في اتجاه دائري معين هو الانحناء اللي في شبكه الزمكان ‏‎smile‎‏ رمز تعبيري

عارف يعني ايه الزمن ينحني ؟؟؟ يعني بدل ما خط الزمن كان خط مستقيم بقي منحني ‏‎confused_rev‎‏ رمز تعبيري .. طيب هو انت انهي اللي هتاخد فيه وقت اطول اما تمشي في خط مستقيم بين نقطتين ولا اما تمشي في منحني ؟
اكيد المنحني اطول .. مش فاهم عايز تقول ايه ‏‎confused_rev‎‏ رمز تعبيري
عايز اقولك ان اما الزمن ينحني في مكان معين في الفضاء ده معناه انه بيمر ببطئ في المكان ده .. و لو كتله الجسم اكبر و الانحناء بقي اكبر الزمن هيمر ابطئ . مش فاهم ‏‎colonthree‎‏ رمز تعبيري
هفهمك ‏‎grin‎‏ رمز تعبيري مش ساعات المنبه يرن بدري الساعه 7 تقوم صاحي قفله و تقول هنام خمس دقايق تصحي تلاقي عدا ساعتين !! بس انت حسيتهم خمس دقايق وربنا ؟؟ .... اها والله بتحصل كتير ‏‎grin‎‏ رمز تعبيري
اهو الفكره ان الخمس دقايق بتوع الحلم بتاعك اتمطوووا زي اللبانه كده و مشيوا ببطـــــئ عشان كده خدوا في الواقع ساعتين ‏‎grin‎‏ رمز تعبيري
اهو دي نفس الفكره في الفضاء ... لو انت سافرت لكوكب كتلته كبيره جدااا عن كتلتنا يعني الانحناء بتاع الزمكان كبييييييير هتلاقي الساعتين بتوعك اللي عدوا في ساعه ايدك اتمطواا و مشيوا ببطـــئ شدييد و تلاقيهم خدو ا 10 سنين علي كوكب الارض ‏‎grin‎‏ رمز تعبيري و العكس صحيح يعني لو سافرت القمر مثلا ( كتلته اصغر من كتله الارض 81 مره ) هتلاقي الوقت بيمر اسرع من الوقت علي الارض
يعني لو حضرتك خلفت اتنين تؤام حالا محمد و عيلاء و سفرت عيلاء لمكان قريب من ثقب اسود ( الثقب الاسود هو اكبر جاذبيه في الكون كله ) و محمد سبته ع الارض .. الساعه او الساعتين اللي هيقضيهم عيلاء بالقرب من البلاك هول .. هيكون عدي علي محمد حوالي عشر سنين مثلا ‏‎grin‎‏ رمز تعبيري
‫#‏وماأدراك_ما_النسبيه‬